Johann Christoph Friedrich Bach

tysk komponist
For andre tydingar av oppslagsordet, sjå Johann Christoph Bach.

Johann Christoph Friedrich Bach (21. juni 173226. januar 1795) var ein tysk komponist, og den niande sonen til Johann Sebastian Bach. Han vert nokre gonger referert til som Bückeburg-Bach.

Johann Christoph Friedrich Bach

Johann Christoph Friedrich Bach
Fødd21. juni 1732
FødestadLeipzig i Tyskland
Død26. januar 1795 (62 år)
DødsstadBückeberg i Tyskland
AliasBückeburg-Bach
OpphavKurfyrstedømet Sachsen
PeriodeKlassisismen
Aktiv1760-1785
SjangerSymfoniar, vokalmusikk, kormusikk, kammermusikk
Verka somKomponist
MorAnna Magdalena Bach
FarJohann Sebastian Bach
Gift medLucia Elisabeth Münchhausen
BornWilhelm Friedrich Ernst Bach

Han vart fødd i Leipzig og undervist i musikk av faren sin. Han studerte ved St. Thomas-skulen, og nokre meiner at han studerte jus ved universitetet der, men det finst det ikkje bevis for. I 1750 gjorde grev Wilhelm av Schaumburg-Lippe Johann Christoph til cembalist ved Bückeburg, og i 1759 til konzertmeister.

Johann Christoph skreiv klaversonatar, symfoniar, oratorium, liturgiske korsongstykke og motettar, operaer og songar. Greiv hadde ein forkjærleik for italiensk musikk, og Johann Christoph måtte tilpasse stilen sin deretter, men han heldt mange av elementa han hadde teke etter faren og broren, musikken til Carl Philipp Emanuel.

Encyclopedia Britannica frå 1911 skildrar Johann Christoph Friedrich Bach som ein dugeleg komponist, «viss verk ikkje gjer noko skam på familienamnet». Då professor Peter Schickele samanlikna den fiktive komponisten P. D. Q. Bach med dei andre sønene til Johann Sebastian, sa han at musikken til P. D. Q. hadde «obskuriteten til Johann Christoph Friedrich».

Bakgrunnsstoff endre


Kjelder endre