Johannes Tørrissen Worum
Johannes Tørrissen Worum, (4. juni 1817–20. desember 1889) var ein norsk lærar og stortingspolitikar[1] frå Ytterøy i Nord-Trøndelag. Worum var son til stortingsrepresentant Tørris Johnsen Worum og Ingebor Olsdatter.[2]
| Johannes Tørrissen Worum | |
| Statsborgarskap | Noreg |
| Fødd | 4. juni 1817 Ytterøya |
| Død |
20. desember 1889 (72 år) |
| Yrke | politikar, lærar, klokkar |
| Språk | norsk |
| Politisk parti | Venstre |
| Far | Tørris Johnsen Worum |
Worum gjekk ut frå Asker seminar i 1839, og var frå 1840 kyrkjesongar i heimbygda Ytterøy til han døydde. Tida 1840-62 var han også lærar. Han var kommunekasserar i Ytterøy 1845-73 og ordførar for heradet 1848-51 og 1856-59. Dessutan var han forlikskommissær frå 1856 og styreformann for den lokale sparebanken frå 1862.
Worum hadde sete på Stortinget i 1854 og 1859-60 som representant for Nordre Throndhjems Amt.[1] I 1854 var han medlem av budsjettkomiteen, og i 1859-60 av justiskomite nr 2. Ved stortingsvalet mellom dei to tingsamlingane han deltok på, vart han vald til 1. varamann.
Kjelder
endre- ↑ 1,0 1,1 Johannes Tørrissen Worum – Norwegian Social Science Data Services (NSD)
- ↑ Ytterøy ministerialbok 1817-1842 (722A04), Fødte og døpte 1817
- Lindstøl, Tallak: Stortinget og Statsraadet 1814-1914. Kristiania, 1914