John Edward Gray

John Edward Gray (12. februar 1800–7. mars 1875) var ein britisk zoolog. Han var storebror til George Robert Gray og son av farmakologen og botanikaren Samuel Frederick Gray.

John Edward Gray
Fødd	12. februar 1800 Walsall
Død	7. mars 1875 London
Nasjonalitet	Det sameinte kongeriket Storbritannia og Irland, Kongeriket Storbritannia
Område	natur, zoologi, botanikk
Yrke	biolog, zoolog, ornitolog, frimerkesamlar, botanikar, entomolog, herpetolog, malakolog, kurator
Institusjonar	British Museum British Museum
Ektefelle	Maria Emma Gray
Medlem	Royal Society Deutsche Akademie der Naturforscher Leopoldina Accademia delle Scienze di Torino

John Gray var zoologiinspektør ved British Museum i London frå 1840 til 1874. Han gav ut fleire katalogar over samlingane til museet, som òg inneheldt omfattande diskusjonar om dyregrupper og skildringar av nye arter. Han forbetra dei zoologiske samlingane ved museet og gjorde dei til nokre av dei beste i verda.

Gray var fødd i Wallsall i Midlands, men familien flytta til London der han studerte medisin. Han hjelpte faren med å skriva The Natural Arrangement of British Plants (1821). Gray vart tilsett ved Den zoologiske avdelinga til British museum i 1824 for å hjelpa John George Children med å katalogisera reptilsamlinga. I 1840 overtok han Children sin post som zoologiinspektør.

Gjennom dei 50 åra då han var tilsett ved British Museum skreiv Gray nesten 500 avhandlingar. Mange av dei skildra nye artar, melllom anna afrikansk palmerullar, baykatt, berghøne, karakal og tartarfalk. Han står òg oppført som autor for grupper som eplesniglar, kenguruar, menneskeapar, pungrotter, storkar og stålormar. Dei meste kjende krypdyra i Australia er som regel skildra av Gray: Krageagam, blåtungeskinkar, torndjevel og gouldvaran.

Verk

• Illustrations of Indian Zoology (1830–1835)
• The Zoological Miscellany. To Be Continued Occasionally (1831)
• Catalog of Shield Reptiles (1855 og 1870)

Bakgrunnsstoff

• John Edward Gray, the Indian Pond Heron and Walsall av RSPB