Jomsvikingar

Jomsvikingar var ei gruppe vikingar som levde på 900- og 1000-talet. Ifølgje Jomsvikingsoga og Soga om Olav Tryggvasson i Heimskringla, heldt dei til i Jomsborg, som låg ved kysten av dagens Tyskland eller Polen. Den nøyaktige plasseringa er omdiskutert, men ei mogleg plassering er ved byen Wolin i det noverande Polen.

Uvêret i Hjørungavåg. Illustrasjon av Gerhard Munthe

Uvêret under Slaget i Hjørungavaag. Illustrasjon av Halfdan Egedius.

Det er òg usikkert kven som grunnla Jomsborg. Nokre kjelder hevdar at festninga vart grunnlagd av Harald Blåtann medan andre kjelder seier den vart grunnlagd av Palnatoke.

Jomsvikingsoga fortel at i 986 angreip Jomsvikingane Håkon jarl der dei vart nedkjempa ved slaget i Hjørungavåg. Jomsvikingane deltok òg i slaget ved Svolder i år 1000.

I 1043 gjorde Magnus den gode slutt på Jomsvikingane. Han angreip då Jomsborg, øydela festninga og drap dei overlevande.

Kjelder

• Denne artikkelen bygger på «Jomsvikingen» frå Wikipedia på bokmål, den 24. november 2017.

Litteratur

• Knut Helle, «Jomsvikingeslaget – islandsk heltediktning?», Kongsmenn og krossmenn: Festskrift til Grethe Authén Blom, Trondheim : Tapir, 1992, s. 167-193
• Wladyslaw Filipowiak, Wolin – Jomsborg: en vikingetids-handelsby i Polen, Roskilde 1991

Bakgrunnsstoff

• Northvegr.org Arkivert 2006-01-30 ved Wayback Machine.
• The significance of the Jomsvikings
• The Jomsvikings (reenactment society)
• Age of Chivalry: The Jomsvikings
• Ei utgreiing – og ein ny teori om det store Jomsvikingslaget
• Slaget ved Hjørungavåg, artikkel ved Norgeshistorie.no