José Carlos José

José Carlos da Silva José, ofte berre José Carlos, (fødd 22. september 1941) er ein portugisisk tidlegare fotballspelar frå Vila Franca de Xira. Forsvarspelaren vann cupvinnarcupen 1964 med Sporting Lisboa og tok VM-bronse 1966 med Portugal sitt landslag.

José Carlos José
Statsborgarskap	Portugal
Fødd	22. september 1941 (83 år) Vila Franca de Xira
Idrett	fotball
Tok del i	VM i fotball 1966

Klubbspel

José Carlos spelte på toppserielaget CUF Barreiro frå 1960 til -62. Dei neste 12 sesongane gjorde han teneste i Sporting Lisboa, der han var med om å vinne tre portugisiske meisterskapstitlar og fire nasjonale cuppokalar. I mai 1964 tok han plass i midtforsvaret då Sporting vann finalen i cupvinnarcupen 1964, etter 1-0 mot ungarske MTK Budapest i Antwerpen. Han avslutta som aktiv med ein sesong i Braga 1974/75.

Landslagsspel

José Carlos spelte 36 kampar for Portugal i tida 1961-71, utan å skåre. Under Fotball-VM 1966 var han med i semifinalen mot England som enda med tap 2-1 og bronsefinalen mot Sovjetunionen, der Portugal sikra seg bronsemedaljen med eit seint 2-1-mål. Han var lagkaptein i 4 av sine 5 siste kampar.

Merittar

• VM-bronse: 1966 for Portugal
• Vinnar av cupvinnarcupen: 1964 med Sporting Lisboa
• Portugisisk seriemeister: 1966, 1970, 1974 med Sporting Lisboa
• Portugisisk cupmeister: 1963, 1971, 1974 med Sporting Lisboa

Kjelder

• Denne artikkelen bygger på «José Carlos da Silva José» frå Wikipedia på engelsk, den 5. oktober 2018.

• eu-football