Kandidatmeister i sjakk
(Omdirigert frå Kandidatmeister)
Kandidatmeister i sjakk (CM) (Candidate Master på engelsk) er ein sjakktittel som blir delt ut av Verdssjakkforbundet FIDE til sjakkspelarar, vanlegvis fordi desse har oppnådd FIDE-rating på 2200 eller meir på ei offisiell FIDE-ratingliste.
Tittelen er den lågast rangerte tittelen som FIDE deler ut, etter Stormeister i sjakk (GM), Internasjonal meister i sjakk (IM) og FIDE-meister i sjakk (FM). Tittelen er livsvarig, og er open for både kvinner og menn.
Ein blir også tildelt tittelen etter gode resultat i internasjonale sjakkturneringar.[1]