Karl Rygh
Karl Ditlev Rygh (fødd 7. juni 1839 i Verdal, død 10. mars 1915) var ein norsk arkeolog og politikar. Han var son til Peder Rygh, samt bror til Evald og Oluf Rygh.
| Karl Rygh | |
_(cropped).jpg) | |
| Statsborgarskap | Noreg |
| Fødd | 7. juni 1839 Verdal |
| Død | |
| Yrke | antropolog, politikar, arkeolog, filolog |
| Språk | norsk |
| Politisk parti | Høgre |
| Far | Peder Strand Rygh |
| Karl Rygh på Commons | |
Karl Rygh studerte fag som historie, latin og oldnorsk og seinare stadnamnforsking og forhistorisk arkeologi. Han vart cand. philol. i 1863, og var frå 1866 til 1899 lærar ved Trondheims katedralskole.
I 1866 vart Rugh medlem av Det Kongelige Norske Videnskabers Selskab, og i 1868 vart han vald inn i direksjonen for trondheimsavdelinga av Foreningen til norske fortidsmindesmerkers bevaring. Frå 1870 var han styrar av selskapet si oldsaksamling.
Rygh var medlem av bystyret i Trondheim frå 1878 til 1900. Han representerte valkrinsen Trondheim og Levanger i fire periodar på Stortinget, vald for partiet Høgre. Rygh var i perioden 1883-85 fyrste varamann (suppleant), møtte i 1885 frå 15. mai i staden for Fredrik Lorck. I dei neste tre tingperiodane var han fast representant på Tinget, medlem av protollkomiteen 1886-88, budsjettkomiteen 1889-1894, samt Lagtinget 1892-94.
Etter at broren Oluf døydde, stod Karl Rygh for utgjevinga av dei nordafjellske banda av Norske Gaardnavne. Han døydde ugift i Trondheim.
Karl Rygh vart i 1944 portrettert på Det Kongelige Norske Videnskabers Selskabs medalje.[1]
Kjelder
endre- ↑ Kjetil Kvist. «I vitenskapens tjeneste». gullmedalje.com. Henta 25. august 2016.
- Lindstøl, Tallak (1914). «Rygh, Karl Ditlev». Stortinget og statsraadet: 1814-1914. Kristiania: [Steenske bogtrykkeri]. s. 733.
- Haffner, Vilhelm (1949). Stortinget og statsrådet: med tillegg til Tallak Lindstøl: Stortinget og Statsraadet 1814-1914. Oslo: [Aschehoug]. s. 44.
- Biografisk informasjon om Karl Rygh NSD Norsk senter for forskningsdatas politikararkiv