Karstein Seland
Karstein Seland (5. januar 1912–13. januar 2005) var ein norsk lærar frå Gyland i Vest-Agder som representerte Hedmark fylke og Senterpartiet på Stortinget 1965-73.
| Karstein Seland | |
| Statsborgarskap | Noreg |
| Fødd | 5. januar 1912 |
| Død |
13. januar 2005 (93 år) |
| Yrke | politikar |
| Språk | norsk |
| Politisk parti | Senterpartiet |
Seland var son til ein gardbrukar og gjekk Søgne landbruksskule 1929-31. Sidan gjekk han småbrukslærarskule 1933-35 og var så lærar ved Blæstad landbruksskule 1938-45. I 1944-45 deltok han i heimestyrkane. Frå 1945 var han overlærar ved Glåmdal jord- og skogbruksskule til 1973.
Frå 1958 til 1964 var Seland formannskapsmedlem i Vinger herad, deretter hadde han plass i Kongsvinger formannskap 1964-67. I fire veker hausten 1963 møtte han som representant for Senterpartiet på Stortinget, då Karen Grønn-Hagen var statsråd i Lyng-regjeringa. Frå 1965 var Seland stortingsrepresentant frå Hedmark i to periodar. Han var heile tida med i Landbrukskomiteen, formann 1969-73.
Seland var så i fire år lektor ved Jønsberg landbruksskole til 1977.