Khalid Sheikh Mohammed
Khalid Sheikh Mohammed (fødd 1. mars 1964 eller 14. april 1965 i Kuwait[1]) er ein pakistansk islamistisk terrorist som vert rekna som hovudarkitekten bak terroråtaka 11. september 2001.
| Khalid Sheikh Mohammed | |
.jpg) | |
| Statsborgarskap | Pakistan |
| Fødd | 1. mars 1964 (60 år) Kuwait |
| Yrke | terrorist |
| Medlem av | al-Qaida |
| Religion | Islam |
| Khalid Sheikh Mohammed på Commons | |
Mohammed voks opp i Kuwait, og reiste som ung for å ta utdanning i Sambandsstatane. I 1986 fullførte han ein bachelorgrad innan maskinteknikk ved North Carolina A&T. Sidan reiste han til Peshawar på grensa mellom Pakistan og Afghanistan, der han vart sekretær for den afghanske krigsherren Abdul Rasul Sayyaf. I 1996 møtte Mohammed Osama bin Laden, og kom med fleire forslag til åtak på Sambandsstatane. Han vart arrestert i Pakistan i 2003, og halden i ulike CIA-fengsel før han enda opp i Guántanamo-leiren i fleire år.[2][3] Her vart han utsett for tortur.[2] 31. juli 2024 inngjekk Khalid Sheikh Mohammed ei tilståingsavtale der han unngjekk ei rettssak med dødsstraff som mogleg straff i bytte mot ein dom på livsvarig fengsel.[4][2] Kort tid etter vart avtala oppheva av den amerikanske forsvarsministeren.[5][6]
Mohammed er onkel til Ramzi Yousef, mannen som stod bak bombinga av Verdshandelssenteret i New York i 1993.
Kjelder
endre- ↑ Pearson, E. (2014), «Khalid Sheikh Mohammed», Encyclopædia Britannica. Henta 9. juni 2020.
- ↑ 2,0 2,1 2,2 «Alleged 9/11 mastermind Khaled Sheikh Mohammed reaches US plea deal», www.ft.com, henta 1. august 2024, (krev abonnement (help))
- ↑ Rosenberg, C. (17. april 2020). «The 9/11 Trial: Why Is It Taking So Long?». The New York Times.
- ↑ «Man accused of plotting September 11 attacks reaches plea deal alongside two accomplices». ABC News (på engelsk). 31. juli 2024.
- ↑ «Plea deal with accused 9/11 plotters revoked - US government», BBC News (på engelsk), 3. august 2024, henta 3. august 2024
- ↑ Clayton, Abené (3. august 2024). «Plea deal for accused 9/11 plotters revoked by Pentagon chief Lloyd Austin». The Guardian (på engelsk). ISSN 0261-3077.
- Wright, L. (2006). The Looming Tower: Al-Qaeda and the Road to 9/11 (s. 429). New York: Vintage Books. ISBN 9781400030842