Klaus Wiese
Klaus Wiese (18. januar 1942–27. januar 2009) var ein tysk musikar, minimalist og multi-instrumentalist. Han var ein meister på tibetansk syngeskål og skapte ei rekkje album ved hjelp av desse. Wiese nytta i tillegg stemma si, sitar, persiske strengeinstrument, klokkespel og andre ekotiske instrument i musikken sin.
| Klaus Wiese | |
| Statsborgarskap | Tyskland |
| Fødd | 18. januar 1942 |
| Død |
27. januar 2009 (67 år) |
| Yrke | musikar |
| Språk | tysk |
| Nettstad | http://www.klaus-wiese.com |
Wiese vert rekna som ein av dei store musikarane innan ambient eller space-musikk. Musikkstilen hans vert samanlikna med organiske lydlandskap med bordun og dark ambient-musikk som Oöphoi, Alio Die, Mathias Grassow og Tau Ceti.
Han var ei kort stund medlem av krautrockbandet Popol Vuh tidleg i 1970-åra, der han spelte tamboura på albuma Hosianna Mantra og Seligpreisung. Wiese gjekk etter kvart bort frå krautrock og laga sin eigen ambient musikk med lange tonar i 1980-åra.
Wiese har òg samarbeidd med Al Gromer Khan, Mathias Grassow, Oöphoi, Tau Ceti, Sam Schlamminger og Ted de Jong. Han samarbeidd med Deuter på albumet hans Silence is the Answer i 1980 og East of the Full Moon i 2005.
Han reiste mange år i Asia for å studere sufisme og mystisisme som tydleg har prega den ambiente musikken hans.
Klaus Wiese døydde brått og uventa 27. januar 2009, 67 år gammal.[1]
Kjelder
endre- Denne artikkelen bygger på «Klaus Wiese» frå Wikipedia på engelsk, den 8. mars 2013.
- Wikipedia på engelsk oppgav desse kjeldene:
Bakgrunnsstoff
endre- Klaus-Wiese.com — official website
- Discogs page on Klaus Wiese
- Artist Direct page on Klaus Wiese
- Klaus Wiese on aquariusmusic.com