Kolbeinsey

Kolbeinsey (Kolbeinsøy på norsk) er ei lita øy med vulkansk opphav 105 km nord for Island og 74 km nordvest for øya Grímsey. Øya er det nordlegaste punktet til Island og ligg ved 67°08′09″N 18°41′03″W. Øya er utsett for kraftig erosjon og kjem til å forsvinne heilt i nær framtid, truleg innan få år. Tidlegare estimat har sagt rundt år 2020 estimert frå tidlegare erosjon, men prosessen ser i dag ut til å gå raskare.

Øya er i dag ikkje stort meir enn åtte meter lang og fire-fem meter brei.

Foto: Sindre Skrede, 2011

Storleiken i starten av 2001 var berre 90 m², som svarar til ein sirkel med diameter mindre enn 11 meter. Den opphavlege storleiken til øya er ikkje kjend. Då ho først vart målt i 1616 var ho 700 meter lang frå nord til sør og 100 meter brei frå aust til vest. I 1903 var ho alt halvparten så stor og i august 1985 var ho berre 39 meter på tvers. Øya var opp mot 8 meter høg.

Det var tidlegare ein landingsplass for helikopter på øya, men i mars 2006 vart det rapportert at halve heliporten, som vart forsterka med betong i 1989, var øydelagd på grunn av steinar som raste ut i havet. Av den grunn kan Kolbeinsøy forsvinne tidlegare enn først trudd.

Sjå òg

• Islandsk geografi
• Islandske øyar
• Vulkanar på Island

Bakgrunnsstoff

• Informasjon om Kolbeinsey

Kjelder

• Denne artikkelen bygger på «Kolbeinsey» frå Wikipedia på engelsk, den 2. oktober 2007.