Kristine Breistøl

Kristine Breistøl (fødd 23. august 1993) er ein norsk handballspelar frå Oslo som vann EM-gull med Noregs landslag i 2020. Ho er rykkromspelar og har sidan 2018 spelt på danske handballklubben Esbjerg. Breistøl spelte 17 landskampar og skåra 11 mål for Noreg i tida 2016–20.

Kristine Breistøl
Kristine Breistøl i Esbjerg-drakt
Statsborgarskap	Noreg
Fødd	23. august 1993 (30 år) Oslo
Idrett	handball
Tok del i	Handball under Sommar-OL 2020 – Kvinner

Klubbspel

Breistøl var aktiv i Bækkelaget SK fram til 2012. Perioden 2012–18 gjorde ho teneste i Larvik HK, den dominerande klubben i norsk kvinnehandball. Med Larvik vart ho seriemeister fem år i rad, og ho vann like mange NM-gull. Sommaren 2018 fekk ho kontrakt med Esbjerg, der ho dei to fyrste sesongane vart dansk seriemeister.

Landslagspel

Breistøl fekk sin landslagdebut for Noreg 6. oktober 2016. Ho deltok under Handball-VM 2019 i Japan og i Handball-EM 2020 i Danmark. I begge desse meisterskapane fekk ho lite speletid, europameisterskapen enda med norsk triumf og gullmedalje til Breistøl.

Merittar landslag

• VM 2019: Nr 4 etter 28–33 mot Russland
• EM 2020: Gullmedalje etter 22–20 mot Frankrike
• OL i 2021: Bronsemedalje etter 36–19 mot Sverige
• VM 2021: Gullmedalje etter 29–22 mot Frankrike
• EM 2022: Gullmedalje etter 27–25 mot Danmark
• VM 2023: Sølvmedalje etter 28–31 mot Frankrike

Kjelder

• Denne artikkelen bygger på «Kristine Breistøl» frå Wikipedia på engelsk, den 22. desember 2020.
• Denne artikkelen bygger på «Kristine Breistøl» frå Wikipedia på fransk, den 22. desember 2020.
• handball.no