Kryssaren «Murmansk»
«Murmansk» er ein kryssar av Sverdlov-klassa som tenestegjorde i den Sovjetrussiske nordflåten. Skipet vart sjøsett den 22. september 1955 og var i teneste fram til 1989. I 1994 vart «Murmansk» seld til India for opphogging. Medan det var på slep, sleit skipet seg og rann på grunn ved Sørvær i Finnmark.
Det har vore diskusjonar om kryssaren «Murmansk» inneheld radioaktive miljøgifter, eller ikkje[1]. Arbeidet med å få fjerna vraket starta i 2009 og skal vere ferdig innan 2011. I revidert nasjonalbudsjett sette regjeringa av 328 millionar kroner til fjerninga av vraket.[2]
