Kumasi
Kumasi er ein by i Ghana og administrasjonssenter for Ashanti-regionen. Han ligg 200 km nordvest for hovudtaden Accra. Byen har rundt 1,5 mill. innbyggjarar (2004), og er den nest største byen i Ghana, etter Accra. Kumasi er eit viktig handels- og kultursenter. Han har næringsmiddel-, trevare- og tekstilindustri, med kakao som ei viktig vare.[1]
| Kumasi | |||
| by | |||
 Marknaden i Kumasi
| |||
| Land |  Ghana
| ||
|---|---|---|---|
| Region | Ashanti | ||
| Areal | 254 km² | ||
| Folketal | 1 500 000 (2004) | ||
 Kumasi 6°42′00″N 1°37′30″W / 6.7°N 1.625°W | |||
| Wikimedia Commons: Kumasi | |||
Kumasi er sete for eit universitet som blei grunnlagd i 1951 og for fleire høgskular. Han er eit nasjonalt kultursenter med ashanti-museum. Nordaust for byen finst gamle ashanti-bustader som står på UNESCO si verdsarvliste. Det finst også eit militærmuseum her.[1]
Kumasi er utgangspunkt for jernbaner til Accra og hamnebyen Takoradi.[1]
Byen oppstod i 1663 som hovudstad i Ashantiriket. I 1874 blei han erobra og øydelagd av britane. Den novarande byen har oppstått etter den andre britiske okkupasjonen i 1896.[1]
-
Adum-rundkøyringa i Kumasi -
Gatescene i Kumasi -
Baba Yara stadion -
Komfo Anokye Teaching Hospital -
Manhyia Palace Museum -
Metodistdomkyrkja i Kumasi
