Lavering

Lavering er ein teknikk innan teikne- og målekunst der noko blir skuggelagt eller modellert med pensel og sterkt fortynna blekk, tusj, sepia og liknande. Teikningar med blyant- eller penn kan etterarbeidast med bruk av lavering for å få ein målarisk heilskapsverknad, eller for å aksentuera den plastiske forma. Lavering var særleg utbreidd i kunstepokar som var innstilt på målariske verknader, som i barokken.

Rembrandt brukte lavering i sine avbildingar av løver for å framheva kontrasten mellom «den harde manen og mjuke huda».

Lavering har blitt brukt innan arkitekturteikningar i meir enn 300 år.

Kjelder

• Denne artikkelen bygger på «Lavering» frå Wikipedia på bokmål, den 24. august 2021.