Leopold II Maximilian av Anhalt-Dessau
Leopold II Maximilian, fyrste av Anhalt-Dessau (fødd 25. desember 1700 i Dessau, død 16. desember 1751 same stad) var ein tysk fyrste frå Huset Askanien og herskar i fyrstedømet Anhalt-Dessau. Han var òg ein general i Preussen.
| Leopold II Maximilian av Anhalt-Dessau]] | |||
.jpg) | |||
| Fyrste av Anhalt-Dessau | |||
| Regjeringstid | 1747-1751 | ||
|---|---|---|---|
| Fødd | 25. desember 1700 | ||
| Fødestad | Dessau | ||
| Død | 16. desember 1751 | ||
| Dødsstad | Dessau | ||
| Føregangar | Leopold I | ||
| Etterfølgjar | Leopold III | ||
| Gift med | Gisela Agnes av Anhalt-Köthen | ||
| Dynasti | House of Ascania (Anhalt-Dessau branch) | ||
| Far | Leopold I av Anhalt-Dessau | ||
| Mor | Anna Louise Föhse | ||
| Born | Leopold III av Anhalt-Dessau, Henrietta Catherine Agnes of Anhalt-Dessau, Johann Georg von Anhalt-Dessau, Maria Leopoldine av Anhalt-Dessau, Casimire av Anhalt-Dessau, Albert Friedrich von Anhalt-Dessau, Luise von Anhalt-Dessau | ||
Han var den andre sonen av Leopold I av Anhalt-Dessau, som vart kalla «Gamle Dessauer» (der alte Dessauer) gjennom den morganatiske kona hans Anna Louise Föse.
Liv
endreBerre ni år gammal vart Leopold med far sin i militærteneste i den prøyssiske hæren. I 1715 fekk han tittelen oberstløytnant som leiar av Infanteriregiment nr. 27 av Stendal. I 1733 leia han dei prøyssiske styrkane ved byen Mühlhausen i Thüringen under den første schlesiske krigen.
Då den eldste broren, arvefyrsten Vilhelm Gustav, døydde i 1737, vart Leopold den nye arvingen til Dessau. Vilhelm Gustav var då alt gift og hadde ni born, men kona var ikkje adeleg og på grunn av dette vart han nekta etterfølgjar. Etter at faren døydde i 1747 arva derfor Leopold Anhalt-Dessau.
Leopold var ein av dei beste underordna generalane til Fredrik II og skilde seg ut med å erobre Glogau i 1741, og for dugleiken han viste som leiar i slaga ved Mollwitz, Chotusitz (der han vart Generalfeldmarschall på slagmarka), Hohenfriedberg og Soor.
Leopold var gift med Gisela Agnes og til saman fekk dei sju born, mellom anna Leopold III Fredrik Frans, som etterfølgde faren som fyrste av Anhalt-Dessau.
Kjelder
endre- Denne artikkelen bygger på «Leopold II, Prince of Anhalt-Dessau» frå Wikipedia på engelsk, den 13. november 2008.