Opna hovudmenyen

Linda Grubben (fødd 13. september 1979) er ein tidlegare norsk skiskyttar på elitenivå. Grubben la opp etter verdsmeisterskapen i Anterselva i 2007, der ho vann ein gull-, ein sølv- og ein bronsemedalje.

Linda Grubben

Linda Tjørhom 2006.jpg

Statsborgarskap Noreg
Fødd 13. september 1979
Stavanger kommune
Idrett skiskyting
Yrke skiskyttar

BakgrunnEndra

Linda Grubben, opphavleg Tjørhom, vart fødd i Stavanger og voks opp på Tjørhom i Sirdal kommune. Tjørhom gjekk på Sinnes skule i 9 år, og sykla ofte til skulen. Slik la ho grunnlag for ei idrettskarriere. Ho byrja med skiskyting då ho var kring 12 år gamal, etter å ha drive med langrenn i fleire år.

Etter grunnskulen flytta ho 3 mil til kommunesenteret Tonstad, for å gå på skigymnaset Sirdal VGS. Det var her ho møtte læraren Roger Grubben, som ho seinare vart sambuar og gifta seg med. Som elev ved Sirdal VGS fekk ho ei god utvikling i sporet, og ikkje minst på standplass der hennar styrke låg. Ho tok eit fjerde år ved skulen for å kunna konsentrera seg meir om skiskyting, og samstundes få gode karakterar. Seinare vann ho gull i junior-VM på stafett, saman med mellom anna Gro-Marit Istad Kristiansen.

Tjørhom har vore på det norske elitelaget frå 2000. Samstundes som ho har satsa på skiskytinga har ho utdanna seg som førskulelærar, ved høgskolen i Sør-Trøndelag. Ekteparet Grubben er busett i Sirdal.

MerittlisteEndra

Berre topp 3-plasseringar er tekne med. Både stafettresultat og individuelle resultat vert medrekna.

Olympiske leikar

  • 1 sølv (2002)

VM i skiskyting

  • 2 gull (2004, 2007)
  • 2 sølv (2006, 2007)
  • 2 bronse (2005, 2007)

Junior-VM i skiskyting

  • 1 gull (1997)
  • 3 sølv (Eit i 1998 og to i 1999)
  • 1 bronse (1999)

Verdscupen i skiskyting, enkeltrenn

  • 12 sigrar
  • 7 andreplassar
  • 14 tredjeplassar