Ljudmila Bragina

Ljudmila Ivanovna Bragina (fødd 24. juli 1943) er ein russisk tidlegare mellom- og langdistanseløpar som tevla for Sovjetunionen. Ho vart olympisk meister på 1500 meter i 1972, og sette fleire verdsrekordar på både 1500 m og 3000 m i tida 1972-76-

Ljudmila Bragina
Statsborgarskap	Sovjetunionen
Fødd	24. juli 1943 (81 år) Jekaterinburg, Berjozovskij
Yrke	mellomdistanseløpar
Høgd	165 centimeter
Politisk parti	Sovjetunionens kommunistiske parti
Ljudmila Bragina på Commons

Aktiv

Bragina vart nummer seks på 1500 m i EM i friidrett 1971 i Helsingfors. Året etter hadde ho store framgangar på distansen, og på den nye distansen over 3000 m. Ho sette verdsrekordar i begge; 4.06,9 og 8.53,0. I dei olympiske sommarleikane i München drog ho med seg nesten heile 1500-meterfeltet under den gamle verdsrekordtida. Sjølv vart ho på den nye verdsrekordtida 4.01,4 ein klar vinnar føre Gunhild Hoffmeister frå Aust-Tyskland.

Etter å ha forbetra sin eigen verdsrekord på 3000 m med tre tidels sekund til 8.52,7, var Bragina største favoritten på distansen i friidretts-EM 1974. Her vart ho derimot klart slått i spurten av Nina Holmén frå Finland, og måtte nøye seg med sølvmedaljen.

Den 7. august 1976 sprang Bragina inn på smått utrulege 8.27,2 på 3000 m og slo dermed Grete Waitz sin ferske verdsrekord på distansen med over 18 sekundar. Verdsrekorden til Bragina stod i seks år.

Kjelder

• Denne artikkelen bygger på «Lyudmila Bragina» frå Wikipedia på tysk, den 31. august 2014.