Lorenz Vogt
Lorenz Juhl Vogt (28. april 1825–3. juni 1901) var ein norsk embetsmann og stortingsmann frå Kristiania. David Vogt var far hans.
| Lorenz Vogt | |
| Statsborgarskap | Noreg |
| Fødd | 28. april 1825 Oslo |
| Død |
3. juli 1901 (76 år) |
| Yrke | politikar, historikar |
| Språk | norsk |
| Far | David Vogt |
Han vart student i 1844 og cand.jur. i 1849. Etter ei lang utlandsreise arbeidde han i to år på byfutkontoret hos faren i Moss. Frå 1853 var han tilsett i Finansdepartementet, fyrst som kopist, sidan 1858 som byråsjef. I 1865 vart han tollinspektør i Fredrikshald, ei stilling han hadde til 1901, kort tid før han døydde. Han tok også del i lokalpolitikken, var medlem av bystyret frå 1868 til 1884 og ordførar i åtte år.
Vogt representerte Fredrikshald på Stortinget i tida 1874-79. I begge treåsperiodane var han medlem av tollkomiteen, i den siste også av Lagtinget. Allereie i 1858 var han medlem av ein kongeleg kommisjon om revisjon av tolltariffane, ni år seinare var han formann i tollovskommisjonen av 1867. Sidan var han medlem av tolltariffkommisjonen 1874 og utskipingskommisjonen 1878. I 1889 var han med i den svensk-norsk mellomrikslov-komiteen, leiar for den norske avdelinga av komiteen.
Han døydde i Sandefjord.
Kjelder endre
- Lindstøl, Tallak (1857-1925) (1914). Stortinget og statsraadet: samt tillæg. D. 2 : Biografier L-Ø samt tillæg. Kristiania: Steen'ske bogtrykkeri. s. 930.
- Biografisk informasjon om Lorenz Vogt NSD Norsk senter for forskningsdatas politikararkiv