Lough Swilly
Lough Swilly (Loch Súilí på irsk) er ein fjord (sea lough på engelsk) på vestsida av halvøya Inishowen i County Donegal i Republikken Irland.
| Lough Swilly | |||
| fjord | |||
 | |||
| Land |  Irland
| ||
|---|---|---|---|
 Lough Swilly 55°09′14″N 7°32′12″W / 55.153769444444°N 7.5366194444444°W | |||
| Wikimedia Commons: Lough Swilly | |||
Lengst nord i fjorden ligg Fanad Head og Dunaff Head. Av byar langs fjorden finn ein Buncrana på Inishowen og Rathmullan på vestsida. Heilt innerst i fjorden i sør ligg Letterkenny.
Etter eit opprør som slo feil i september 1607 la Hugh O'Neill, den andre jarlen av Tyrone og Rory O'Donnell, den første jarlen av Tyrconnell frå land ved Rathmullan med nitti av etterfølgjarane sine i det som er vorte kalla flukten til jarlane og kom aldri tilbake til Irland igjen. Ein fransk flåte som hadde med seg Wolfe Tone og troppar til å assistere i opprøret i 1798 vart avskore og slått ytterst i Lough Swilly i oktober 1798. Tone vart tatt til fange i Letterkenny.
Fjorden vart nytta som ankerplass for Royal Navy under den første verdskrigen. Britane bygde òg fleire fort for å forsvare fjorden og restane av desse kan ein sjå ved Lenan Head, Dunree (i dag eit museum) og Buncrana. Fjordane var òg ein av traktathamnene spesifisert i den anglo-irske avtalen.
Kjelder
endre- Denne artikkelen bygger på «Lough Swilly» frå Wikipedia på engelsk, den 18. oktober 2007.