Markus Vangen
Markus Vangen (fødd 24. september 1995) er ein norsk stand-up-komikar og radioprogramleiar frå Oslo. Frå 1. januar 2022 er han tilsett i NRK si humor- og underhaldningssatsing på podkast.[1]
| Markus Vangen | |||
 | |||
| Fødd | 24. september 1995 (29 år) | ||
|---|---|---|---|
| Fødestad | Trondheim | ||
| Verka som | komikar, podkastvert, radioprogramleiar | ||
Vangen studerte radio og lydproduksjon ved Danvik Folkehøgskole i 2014/15. Gjennom skulen fekk han praktikantopphald og seinare tilsetjing som programleiar i Radio Metro.[2] Der laga han mellom anna podkasten Ukast med Tarjei og Markus, som vart nominert i kategorien Årets Humor under Prix Radio 2016. Seinare vart Vangen nominert i kategorien Årets Unge Radioprofil under Prix Radio 2019 for arbeidet som programleiar i Radio Metro.[3]
Ved sida av radioarbeidet byrja Vangen å studera journalistikk ved Høgskolen i Oslo og Akershus hausten 2016. På same tid starta han å driva med stand-up-komedie, og heldt framsyningar ei rekke stader i Noreg. 10. oktober 2017 debuterte han på scena på Latter i Martin Lepperød og Henrik Farley sitt show Alt er lov.[4][5]
30. juli 2021 sette Vangen saman med Jesper Breen opp framsyninga Velkommen Tilbake som ein del av Oslo Humorfest.[6]
I mars 2021 forlét Vangen Radio Metro, og starta som podkastprodusent for NRK P3. Der produserte han mellom anna radioprogrammet Lekekassa og podkasten Berrum & Beyer snakker om greier[2]. Vinteren 2021/22 var Vangen vikarprogramleiar for ei rekke sendingar av P3morgen. I januar 2022 vart Vangen fast tilsett i NRK.[1]
Kjelder
endre- ↑ 1,0 1,1 Weiberg-Aurdal, Jan Magnus (23. desember 2021). «NRK Underholdning og P3 ruster opp podkast-redaksjonen - ansetter disse fem» (på norsk bokmål). Henta 20. januar 2022.
- ↑ 2,0 2,1 Lund, Tonje Grønning (15. september 2021). «Produsent i NRK P3 – Danvikåret var gøy og ekstremt lærerikt» (på norsk bokmål). Henta 20. januar 2022.
- ↑ Lomeland, Pål (17. juni 2019). «Disse bidragene er videre til finalen i Prix Radio» (på norsk bokmål). Henta 20. januar 2022.
- ↑ «Radioelev Markus er blitt stand-up-artist» (på norsk bokmål). 18. oktober 2016. Henta 20. januar 2022.
- ↑ Janssen, Mina Ridder-Nielsen (18. oktober 2017). «HiOA-student på Latter» (på norsk bokmål). Henta 20. januar 2022.
- ↑ «Markus Vangen og Jesper Breen ønsker dere alle velkommen tilbake, med sitt splitter nye humorsjåvv!» (på norsk bokmål). 23. juli 2021. Henta 20. januar 2022.
- Denne artikkelen bygger på «Markus Vangen» frå Wikipedia på bokmål, den 12. mai 2022.