Mexico by

Mexico by er hovudstaden og den største byen i Mexico. Tidlegare heitte byen Tenochtitlan. Byen ligg sentralt i Mexico, på eit platå som ligg 2 200 meter over havet. Byen er omgjeven av fleire vulkanar som rager opp til 5 500 meter over havet.

Mexico by
Føderalt distrikt
Flagg Våpenskjold
Offisielt namn: Ciudad de México
Land	Mexico
Del av	ZMVM
Areal	1 485 km²
Folketal	9 209 944 (2020)
Grunnlagd	• 1325 (som Tenochtitlan)  • 1521 (som Mexico by)
Mexico by 19.419444444444°N 99.145555555556°W / 19.419444444444; -99.145555555556
Kart som viser Mexico by. Kart som viser Mexico by.
Wikimedia Commons: Mexico City

Eit kallenamn på Mexico by er la Ciudad de los Palacios, 'palassbyen'.

Sjølve sentrum av byen høyrer til administrativt Det føderale distriktet i Mexico (Distrito Federal, D.F). Forstadene til byen ligg i ti kommunar i den omliggande staten Estado de México. Det bur om lag 8,5 millionar menneske i Distrito Federal, men med forstader er innbyggjartalet nesten 18 millionar.

Historie

Zócalo-plassen med nokre titals menneske.

Mexico by vart grunnlagt av den spanske conquistadoren Hernán Cortés i 1521. Byen vart lagt på ruinane til aztekar-byen Tenochtitlan, som Cortés nett hadde øydelagt.

Byen fungerte som hovudsete for visekongedømet Mexico frå 1525 til 1810, då området var ein spansk koloni. Etter Mexico sitt sjølvstende har Mexico by fungert som hovudstad i landet Mexico.

På 1900-talet har byen hatt ein eksplosiv vekst i innbyggjartalet. I 1950 hadde Mexico by 3 millionar innbyggjarar. I 2000 hadde byen 18 millionar innbyggjarar, og veksten i innbyggjartalet har no flata ut.

Mexico by var vertsby for dei 19. olympiske sommerleikane i oktober 1968.

Stadar i Mexico by

• Plaza del Zócalo, eller berre Zócalo er ein stor plass ved presidentpalasset.

Bakgrunnsstoff

Commons har multimedium som gjeld: Mexico by

• Offisiell nettstad