Midland Oak
Midland Oak eller The Central Oak er eit eiketre i Leamington Spa i Warwickshire i England, nær grensa til Lillington. Det skal markera det geografiske midtpunktet av England, sjølv om det same blir hevda om fleire andre stader i landsdelen Midlands. [1]
| Midland Oak | |||
 Midland Oak i dag. | |||
| Land | Storbritannia | ||
|---|---|---|---|
 Midland Oak 52°18′00″N 1°31′47″W / 52.3001°N 1.52975°W | |||
Det opphavlege eiketreet er merka av på kart frå 1711. Dette treet voks midt i vegen, i vegkrysset mellom Lillington Road og Lillington Avenue. Det blei felt i 1967 etter at ei stor grein hadde falle ned på fortauet.[2]
I februar 1988 blei det planta ei ny Midland Oak ved sida av vegen. Ein minnesplakett for det opphavlege treet blei avduka i april same år.[2] Treet var blitt dyrka fram frå ei nøtt frå det gamle.[3] Det nye treet fekk nøtter for første gong i 1993, og desse blei deretter samla og sådde. Fleire av trea som voks opp blei planta i nærleiken og lengre unna.[2]
Dette treet overlevde omfattande landskapsarbeid i 2002 då ein opna opp ein underjordisk bekk, Bins Brook, og laga flaumvern for husa i nærleiken.[4]
Kjelder
endre- ↑ John Michell (2009), The Sacred Center: The Ancient Art of Locating Sanctuaries, Simon and Schuster
- ↑ 2,0 2,1 2,2 Lillington Local History Society Newsletter (PDF), juli 2013
- ↑ History of Lillington - Warwickshire (pub 1990, John M. Winterburn), s. 25 & 32.
- ↑ Leamington Spa Courier, 4. april 2002, «Flood Site Like a Battlefield»
- Delar av denne artikkelen bygger på «Midland Oak» frå Wikipedia på engelsk, den 5. november 2017.
Bakgrunnsstoff
endre- Midland Oak ved geograph.org.uk
- Midland Oak fotografert på 1920-talet.
- Midland Oak fotografert i 1935