Mikko Hietanen
Mikko Hietanen (22. september 1911–3. februar 1999) var ein finsk langdistanseløpar frå Uusikirkko i dåverande finsk Karelen. Han vart europameister i maratonløp under EM i friidrett 1946.
| Mikko Hietanen | |
 | |
| Statsborgarskap | Finland |
| Fødd | 22. september 1911 Poljany |
| Død |
3. februar 1999 (87 år) |
| Yrke | langdistanseløpar |
| Høgd | 167 centimeter |
Hietanen sprang sitt fyrste maratonløp i 1943, og det siste etter han var fylt 70 år. Han var finsk meister på distansen åra 1945-48. I 1946 vann han gullmedaljen i eit 40,2 km langt maratonløp under friidretts-EM i Oslo på tida 2.24.55. Han vart dermed den tredje europameisteren i maraton, alle tre finnar. Andremann i Oslo var den førre europameisteren, Väino Muoninen, som fekk tida 2.26.08. Hietanen kom inn på Bislett stadion då landsmannen Viljo Heino var i ferd med å springe i mål til siger på 10000-meteren. I løpet av to minuttar sikra dei finske langdistanseløparane seg to gullmedaljar og to sølvmedaljar.
Hietanen deltok både i Sommar-OL 1948 i London og Sommar-OL 1952 på finsk heimebane. Han braut løpet i London grunna ein akilles-skade, medan han i Helsinki enda på 17. plass.
Kjelder
endre- Denne artikkelen bygger på «Mikko Hietanen» frå Wikipedia på tysk, den 22. august 2016.