Mikrometerskrue

Ein mikrometerskrue er eit instrument som blir brukt for måling av trådtjukkleik, platetjukkleik og liknande. Instrumentet består av ein fingjenga skrue som har ei plan endeflate og som er montert slik at han kan skruast inn mot ei anna plan flate. Tråden som skal målast vert lagt mellom dei to flatene, og stillinga til skruen avlesast etter at han er skrudd inntil tråden. Stigninga på skruen er vanlegvis ½ mm per omdreiiing. Brøkdelar av denne lengda blir avlesne på ein trommel, som fortel kor stor del av ei omdreiing skruen er dreidd. Denne har vanlegvis inndeling til 50, slik at ein kan lese av med ein nøyaktigheit på 0,01 mm eller 10 mikrometer.

Moderne mikrometer (verdi: 1.64 mm)

Kjelder

• mikrometerskrue. (28.02.2013) I Store norske leksikon.