Mildred McDaniel

Mildred Louise McDaniel, gift Singleton, (3. november 1933–5. oktober 2004), også kjend som Millie McDaniel, var ein USA-amerikansk høgdehoppar som vart olympisk meister i øvinga i 1956.

Mildred McDaniel
Statsborgarskap	USA
Fødd	4. november 1933 Atlanta
Død	30. september 2004 (70 år) Pasadena
Idrett	friidrett
Tok del i	Sommar-OL 1956

McDaniel, som var frå Atlanta i delstaten Georgia, vart USA-meister i høgdehopp i 1953, 1955 og 1956. I 1955 vann ho høgdetevlinga i dei panamerikanske leikane i Mexico-byen med eit hopp på 1,68 meter.

Høgdepunktet for McDaniel kom 1. desember 1956 då ho i finalen under Sommar-OL 1956 i Melbourne i sitt andre forsøk på verdsrekordhøgda 1,76 meter tok seg over lista. Dermed vann ho den olympiske gullmedaljen framom favoritten Thelma Hopkins frå Storbritannia.

McDaniel-Singelton døydde i Pasadena i California, der ho hadde arbeidd som gymnastikklærar sidan 1958.

Kjelder

• Denne artikkelen bygger på «Mildred McDaniel» frå Wikipedia på tysk, den 5. august 2015.