Muharram
Muharram eller muharram ul haram er den første månaden i den muslimske kalenderen. Det er ein av dei fire heilage månadene i året, og er rekna som den nest heilagaste, etter ramadan. Det er ikkje ønskeleg å vere i krig eller delta i strid under muharram. Ein prøver ofte å løysa konfliktar denne månaden.
| 1427 etter hidjra | 31. januar–1. mars 2006 |
| 1428 e.h. | 20. januar–18. februar 2007 |
| 1429 e.h. | 10. januar–8. februar 2008 |
| 1430 e.h. | 29. desember 2008–27. januar 2009 |
| 1431 e.h. | 18. desember 2009–16. januar 2010 |
Den muslimske kalenderen følgjer månen, og difor flyttar muharram seg 11-12 dagar kvart år i tilhøve til den gregorianske kalenderen. Månadene startar når ein eller fleire rettruande muslimar ser nymånen på himmelen, og difor kan ein ikkje seie nøyaktig kva tid ein månad vil byrja.
Den første dagen i muharram kan markerast med muslimsk nyttårsfeiring. Sjiamuslimar markerer minnet om slaget ved Karbala og drapet på Husayn ibn Ali med faste, gjerne også opptog, særleg under asjura den 10. muharram. Også mange sunnimuslimar markerer dei ti første dagane av månaden med faste og reknar 10. muharram som dagen Musa (Moses) vann over faraoen av Egypt.
Kjelder
endre- Denne artikkelen bygger på «Muharram» frå Wikipedia på bokmål, og «Muharram» frå Wikipedia på engelsk den 7. desember 2010.