Nea Salamis Ammókhostos FC
Nea Salamis Ammókhostos FC eller Nea Salamina Ammókhostos FC (gresk skrift Νέα Σαλαμίνα Αμμοχώστου) er eit profesjonelt fotballag med opphav i Ammókhostos på Kypros. Klubben har vore i eksil sidan 1974, då Tyrkia invaderte Kypros og okkuperte nordsida av øya. No held klubben mellombels til i Larnaka.
| Heimebane | Ammochostos Stadion | ||
|---|---|---|---|
| Hovudtrenar | Savvas Poursaitidis | ||
| Liga | Marfin Laiki League | ||
 Noverande sesong | |||
Nea Salaminas største bragder, var deira siger i den kypriotiske cupen og den kypriotiske supercupen i 1990. Dei har òg komme på tredje plass i den kypriotiske førstedivisjonen. Laget deltok for fyrste gong i ein europeisk tevling i 1990, då dei spelte i Cupvinnarcupen. Deretter har dei spelt i UEFAs Intertoto-cup i 1995, 1997 og 2000.
Fotballlaget er ein del av Nea Salamina Ammókhostos sportsklubb, som vart stifta i 1948. Moderklubben har òg eit herrevolleyballag. Klubbens namn er henta frå den antikke, kypriotiske byen Salamis (eller Salamina), som ligg nære dagens Ammókhostos. «Nea» tyder «nye» på gresk.
