Netteland
- For Netteland i Kvinnherad, sjå Nettland.
Netteland er ein gard på øya Losna i Solund kommune i Sogn og Fjordane. Garden har matrikkelnummer 64 i Solund.[2] Fram til og med 1963 høyrde Losna til Gulen kommune og der hadde Netteland matrikkelnummer 3.[3]
| Netteland | |||
| stad | |||
| Land |  Noreg
| ||
|---|---|---|---|
| Fylke | Sogn og Fjordane | ||
| Kommune | Solund | ||
| Postnummer | 6926 KRAKHELLA[1] | ||
| Gardnummer | 64[2] | ||
| Ferdselsårer |  Rysjedalsvika-Rutledal-Krakhella
| ||
Geografi
endreNetteland ligg like sør for Losnegard, ved ei lita bukt på søraustsida av øya.[3] Ferjekaien på Losna ligg på Netteland, og ferja Rysjedalsvika-Rutledal-Krakhella går innom der etter førhandstinging.[4]
Historie
endreDet tidlegaste ein finn garden nemnt er i 1563, men han er mykje eldre. Ivar Kleiva skriv i bygdeboka for Gulen at Netteland før 1700 vart rekna for eit bruk under Losnegard.
Etter matrikkelen frå 1667 var skulda 1½ laup og 1 pund smør, og det var ein hest og 22 naut på garden. Utsåd var fire tønner havre og avling var 13 tønner. Skatten var 5½ riksdalar. Det ser ut til å ha vore to brukarar på garden då.[3] I 1723 er det berre ein brukar. Garden hadde då ein hest, 24 naut og 12 sauer og geiter. Utsåd var fire tønner og tre skjepper havre, og avling var 16½ tønne. [3][5]
Netteland fekk elektrisk straum innlagt i 1958.[3]
Namn
endreOluf Rygh meiner namnet har med planta «netle» (nesle, brennenòt, Urtica) å gjere.[6]
Statens kartverk har godkjend skrivemåten «Netteland» (1986).[7]
Gardsnamnet er også kjent frå Kvinnherad kommune, men der vert namnet no skrive Nettland.[6][8]
Kjelder
endre- ↑ «Postnummerkart på nettstaden til Posten». Henta 9. november 2010.
- ↑ 2,0 2,1 «Gardsleksikonet på nettstaden til Sogn og Fjordane Fylkesarkiv». Henta 9. november 2010.
- ↑ 3,0 3,1 3,2 3,3 3,4 Ivar Kleiva (1996). «Gnr. 3. Netteland». Gulen i gammal og ny tid : Gards- og ættesoga. Band I (2 utg.). Eivindvik: Gulen kommune. s. 31.
- ↑ «Ferjerute på nettstaden til Fjord1». Henta 9. november 2010.
- ↑ Ivar Kleiva (1996). «Føreord». Gulen i gammal og ny tid : Gards- og ættesoga I (2 utg.). Eivindvik: Gulen kommune. s. 5. [Opplysningane i matriklane er lite etterrettelege. Dei skulle gje grunnlag for utrekning av skatt, og ved samanlikning av matrikkelopplysningane med skifteprotokollar frå same tidsrom ser ein at det i stor grad vart underrapportert, venteleg i von om å få mindre skattebør. Opplysningane om storfe er nokolunde rette, men anna, som småfe, fiske, skog og anna utmarka måtte gje, er ofte unemnt i matrikkelen. Matrikkelopplysningane har likevel interesse, sidan me ikkje har andre kjelder som gjev heile biletet.]
- ↑ 6,0 6,1 «Oluf Rygh: «Netteland» i Norske Gaardsnavne på nettstaden til Sogn og Fjordane Fylkesarkiv». Henta 9. november 2010.
- ↑ «yr.no». Henta 9. november 2010.
- ↑ «yr.no». Henta 9. november 2010.
Vidare lesnad
endre- Ivar Kleiva: «Gnr. 3. Netteland» i Gulen i gammal og ny tid : Gards- og ættesoga. Band I, side 31-38.