Nikolaos Gyzis

Nikolaos Gyzis (1. mars 1842–4. januar 1901) var ein gresk kunstmålar. Han var ein viktig representant for München-skulen, den viktigaste greske kusntrørsla på 1800-talet som stod for akademisk realisme.

Nikolaos Gyzis
Fødenamn	Νικόλαος Γύζης
Statsborgarskap	Hellas
Fødd	1. mars 1842 Tínos
Død	4. januar 1901 (58 år) München
Yrke	kunstmålar, universitetslærar, lærar, biletkunstnar, kunstlærar
Born	Tilemachos Gizis
Nikolaos Gyzis på Commons

Liv og virke

Gyzis var fødd på øya Tínos, som har ei lang kunstnarisk historie. Familien flytta til Aten i 1850, og Gyzis byrja snart ved kunsthøgskulen i Aten. Ved hjelp av eit stipend drog han til Akademie der Bildenden Künste München i 1865, der han kom til å bli verande livet ut. Frå 1886 var han professor der. Blant elevane hans var John Macody Lund, Jan Vochoc, Ernst Oppler, Fritz Osswald, Anna May-Rychter og den rumenske målaren Stefan Popescu.

Etter å fyrst ha laga detaljerte realistiske avbildingar av historiske motiv, fekk verka hans etterkvart ein sterk impresjonistisk karakter. På byrjinga av 1870-talet vendte han tilbake til Hellas og var der i fleire år. Etter dette laga han ei rekkje måleri med sterkare greske motiv, som Karneval i Aten og Arravoniasmata (‘trulovingsseremoni’) og litt seinare Etter øydelegginga av Psara. Mot enden av livet sitt, på 1890-talet, vende han seg mot meir religiøse tema.Det best kjende verket frå denne perioden er Triumfen til religionen.

Galleri

• 
  Ηistoria (1892)
• 
  Kapusinarmunk
• 
  Eros og målaren
• 
  Læring utanboks
• 
  Barberen (1880)
• 
  Etter øydelegginga av Psara
• 
  Dei foreldrelause
• 
  Orientalsk mann med pipe
• 
  Psyken til kunstnaren
• 
  Orientalsk krigar
• 
  Gammal mann med raud fess
• 
  Tittentei (1882)
• 
  Leikande jente (1868)
• 
  Bakar
• 
  Storleiken til Psara

Kjelder

• Denne artikkelen bygger på «Nikolaos Gyzis» frå Wikipedia på engelsk, og «Nikolaos Gyzis» frå Wikipedia på bokmål den 21. desember 2023.

Bakgrunnsstoff

Commons har multimedium som gjeld: Nikolaos Gyzis