Noregs Bank

Noregs Bank er den norske sentralbanken. Han vart oppretta av Stortinget i 1816 og har sidan 1950 hatt den norske staten som eineeigar. Opphavleg hadde Noregs Bank tilhald i Stiftsgarden i Trondheim, men han ligg i dag i Oslo. Dei viktigaste ansvarsområda til banken er:

• Gjennomføring av den norske pengepolitikken ut frå mandat gjeve av regjeringa. Det operasjonelle målet for pengepolitikken er i dag eit fleksibelt inflasjonsmål på 2,5 %. Det viktigaste verkemiddelet for å nå dette er styringsrenta.

Noregs Bank
Offisielt namn	Norges Bank, Noregs Bank, Norges Bank, Norges Bank
Type	Sentralbank
Grunnleggjar(ar)	Stortinget
Virkefelt	Noreg
Skipa	14. juni 1816
Org.nummer	937884117
Sentralbanksjef	Ida Wolden Bache
Hovudkontor	Bankplassen
Nettside	http://www.norges-bank.no/

• Sikring av finansiell stabilitet.

• Forvalting av Statens petroleumsfond, ofte kalla Oljefondet.

• Å gi ut norske setlar og myntar.

Sjefen for Noregs Bank heiter Ida Wolden Bache. Banken blir leia av eit hovudstyre på sju medlemmer, der sentralbanksjefen er leiar. Det er hovudstyret som tar avgjerder om renteendringar.

Verksemda til Noregs bank blir regulert av Sentralbanklova.

Sjå også

• Norske sentralbanksjefar

Bakgrunnsstoff

• Noregs Bank
• Lov om Norges Bank og pengevesenet mv. (sentralbankloven). hos Lovdata
  Denne økonomiartikkelen som har med samfunn og Noreg å gjere, er ei spire. Du kan hjelpe Nynorsk Wikipedia gjennom å utvide han.