Norsk kvit sau

Norsk kvit sau er ein norsk sauerase av crossbredtypen. Sidan 1970-åra har ulike norske og utanlandske crossbredraser blitt kryssa saman, slik at svært mykje av den norske sauen i dag er kryssingar. På bakgrunn av dette vart rasenamnet Norsk kvit sau innført i 2000/2001. Den norske kvite sauen er ein relativt ueinsarta rase, men jamt over er han meir spedlemma, rasktveksande, fruktbar og kjøtfull enn til dømes den opphavlege dalasauen.

I sauekontrollen utgjorde norsk kvit sau 69 % av søyene i 2006. Rasen er slik den mest utbreidde i Noreg. Det er Norsk Sau og Geitavlslag som driv det organiserte avlsarbeidet for norsk kvit sau.

Kjelder

«Sauerasene i Norge» på nettstaden til Norsk Sau og Geit Arkivert 2007-10-25 ved Wayback Machine.

Bakgrunnsstoff

«Avlsmålet for sau» på nettstaden til Norsk Sau og Geit Arkivert 2010-02-21 ved Wayback Machine.