Olsok
Olsok (frå norrønt ólafsvaka) er festen for Olav den heilage, som vert feira på dødsdagen hans den 29. juli. Dagen er markert med ei øks på primstaven.[1] Sidan 1930 har olsok vore offisiell flaggdag i Noreg.[1]
![](http://upload.wikimedia.org/wikipedia/commons/thumb/1/19/Primstav_NF.1987-0460_c.jpg/220px-Primstav_NF.1987-0460_c.jpg)
Olavsvaka er ei tradisjonell nattevake med gudstenester før olsokdagen. Etterkvart blei nemninga «olsok» brukt om Heilag-Olav sin dødsdag 29. juli.[1]
Før reformasjonen var olsok ein av dei viktigaste helgenfestane i Noreg. På grunn av Olav sin spesielle posisjon i norsk historie vart olsok nasjonal festdag òg etter reformasjonen.
![](http://upload.wikimedia.org/wikipedia/commons/thumb/3/3a/Olsokdagene.jpg/170px-Olsokdagene.jpg)
![](http://upload.wikimedia.org/wikipedia/commons/thumb/5/51/Nidaros_Cathedral_west_front.jpg/170px-Nidaros_Cathedral_west_front.jpg)
I moderne tid har dagen i Den katolske kyrkja i Noreg status som liturgisk høgtid, det vil seia ein dag det er obligatorisk å feira messe for Olav den heilage. I andre land vert Marta av Betania feira same dag.
Ólavsøka er nasjonaldag for Færøyane.
Olsok har og i Noreg vorte namnedagen til Ole, Ola og Olav
Sjå òg
endreKjelder
endre- ↑ 1,0 1,1 1,2 Olsok. (29. juli 2015). I Store norske leksikon.