Ole Mørk Sandvik

Ole Mørk Sandvik (9. mai 1875–5. august 1976) var ein norsk musikkforskar, folkemusikksamlar, lektor, cand.theol. og dr. philos.

Ole Mørk Sandvik
Statsborgarskap	Noreg
Fødd	9. mai 1875 Ringsaker kommune
Død	5. august 1976 (101 år) Oslo
Yrke	musikkforskar
Medlem av	Det Norske Videnskaps-Akademi
Far	Paul Knutsen Barstad Sandvik

Ole Mørk Sandvik vart fødd på Helgøya i Nes (no Ringsaker) i Hedmark som son av skoleinspektør Paul Knutsen Barstad Sandvik og Nikoline Petrine Mørk. Han vart gift 1906 med pianist Anna Margrethe («Nanna») Rønneberg Munthe-Kaas. Sandvik studerte teologi og tok embetseksamen i 1912, men gjekk sidan over til lærargjerninga og musikkforskinga. Han tok doktorgrad på avhandlinga «Norsk folkemusikk, særlig østlandsmusikken». Frå 1916 til 1945 underviste han i liturgi og kyrkjesong ved det praktisk-teologiske fakultet ved Universitetet i Oslo.

Sandvik var sekretær for koralbokkomiteen frå 1923 til 1926. Som følgje av innsatsen hans, vart det teke inn rundt 40 norske folketonar i koralboka av 1926. Sandvik har òg gjeve ut skolesongbøker og musikkhistoriske verk.

Bibliografi

(Eit utval)

• Graduale for den norske kirke (1925)
• Norsk koralhistorie (1930)
• Østerdalsmusikken (1943)
• Folkemusikken i Gudbrandsdalen (2. utg. 1948)
• Setesdalsmelodier (1952)
• Norske religiøse folketoner (bd. 1 og 2, 1960 og 1964)
• Springleiker i norske bygder (1967)
• Norges musikkhistorie (2 bd. 1921) (saman med G. Schjelderup) gav han 1921 ut , saman med K. Koppang
• Realskolens sangbok (1932, rev. utg. 1946) (saman med K. Koppang)
• Gymnasiets sangbok (1932) (saman med K. Koppang )

Kjelder

• Alfred K. Dahl i Kristen sang og musikk Runa forlag 1965
• «Ole Mørk Sandvik» i Norsk biografisk leksikon