Ole Wivel

Ole Wivel (29. september 1921–30. mai 2004) var ein dansk lyrikar og forleggar frå København. Han var leiar av Wivels forlag 1945–1953 og direktør i Gyldendalske Boghandel, Nordisk Forlag 1954–1963 og 1971–1980. Han var redaktør av tidsskriftet Heretica saman med Martin A. Hansen 1950–1951.

Ole Wivel
Fødd	29. september 1921 København
Død	30. mai 2004 (82 år) Hillerød
Yrke	forfattar, lyrikar, lærar

Som lyrikar var han påverka av Rainer Maria Rilke og Stefan George og søkte mot det transcendentale, men uttrykte seg i ei modernistisk form prega av tryggleik og klårleik.

Sentralt i forfattarskapen står diktsamlingane I fiskens tegn (1948), Jævndøgnselegier (1949) og Maanen (1952). I Nike (1958), Templet for Kybele (1961), Gravskrifter (1970) og Danmark ligger her endnu (1979) uttrykker han aukande samfunnsengasjement. Av seinare diktsamlingar finn ein Skabelsen (1981), Iris (1993), Skygger i sandet (1997). Essaysamlingane Den skjulte gud (1952), Poesi og eksistens (1953), Kunsten og krigen (1965) og Poesi og protest (1971) ghev eit godt inntrykk i spennvidda i forfattarskapet. Han gav òg ut ein monografi om Martin A. Hansen (2 bd., 1967–1969).

Kjelder

• «Ole_Wivel» i Store norske leksikon, snl.no.