Festivalstemning ved OlavsstøttaStiklestad under olsokdagane i juli 2013.

Olsok (frå norrønt ólafsvaka) er festen for Olav den heilage, som vert feira på dødsdagen hans den 29. juli. Dagen er markert med ei øks på primstaven.[1] Sidan 1930 har olsok vore offisiell flaggdag i Noreg.[1]

Olavsvaka er ei tradisjonell nattevake med gudstenester før olsokdagen. Etterkvart blei nemninga «olsok» brukt om Heilag-Olav sin dødsdag 29. juli.[1]

Før reformasjonen var olsok ein av dei viktigaste helgenfestane i Noreg. På grunn av Olav sin spesielle posisjon i norsk historie vart olsok nasjonal festdag òg etter reformasjonen.

Olavsvaka vert halden i Nidarosdomen natt til 29.juli. Vaka startar med ei gudsteneste kl. 23.00. Gjennom heile natta er det tidebøner kvar heile time, fram til morgonsong kl. 06.00.

I moderne tid har dagen i Den katolske kyrkja i Noreg status som liturgisk høgtid, det vil seia ein dag det er obligatorisk å feira messe for Olav den heilage. I andre land vert Marta av Betania feira same dag.

Ólavsøka er nasjonaldag for Færøyane.

Olsok har og i Noreg vorte namnedagen til Ole, Ola og Olav

Sjå ògEndra

KjelderEndra

  1. 1,0 1,1 1,2 Olsok. (29. juli 2015). I Store norske leksikon.