Outi Borgenström
Outi Päivikki Borgenström (fødd 24. januar 1956) er ein finsk tidlegare orienteringsløpar frå Tampere. Ho vart nordisk meister i 1977 og verdsmeister i 1979. I 1978 sprang ho den fyrste etappen for det finske sigerslaget i VM-stafetten.
| Outi Borgenström | |
| Statsborgarskap | Finland |
| Fødd | 24. januar 1956 (68 år) Tammerfors |
| Idrett | orientering |
Borgenstrøm høyrde til verdseliten i orientering frå 1974 til 1983. Omframt dei tre topp-plasseringane i verdsmeisterskap og nordisk meisterskap, vann ho to sølvmedaljar i nordiske meisterskap og to stafett-sølv i verdsmeisterskap, samt ein VM-bronse individuelt. Høgdepunktet kom då ho i 1979 på finsk heimegrunn vart verdsmeister framom landskvinna Liisa Veijalainen.
Medaljar og plasseringar i internasjonale meisterskap endre
- VM 1974: Bronsemedalje individuelt
- VM 1976: Sølv i stafett
- Nordisk 1977: Gullmedalje individuelt
- VM 1978: Gull i stafett, nr 6 individuelt
- VM 1979: Gullmedalje individuelt
- Nordisk 1980: Sølvmedalje individuelt
- VM 1981: Sølv i stafett, nr 5 individuelt
- Nordisk 1982: Sølvmedalje individuelt
- VM 1983: Nr 7 individuelt
Kjelder endre
- Denne artikkelen bygger på «Outi Borgenström» frå Wikipedia på svensk, den 30. juni 2023.