Per Fuglum
Per Fuglum (7. januar 1924–13. juni 2008) var ein norsk historikar. Han skreiv både generell noregshistorie og politiske monografiar, men er særleg kjent for arbeida sine om fråhaldsrørsla.
| Per Fuglum | |||
| Fødd | 7. januar 1924 | ||
|---|---|---|---|
| Død | 13. juni 2008 | ||
| Nasjonalitet | Noreg | ||
| Yrke | historikar, biograf | ||
| Institusjonar | Universitetet i Oslo Noregs teknisk-naturvitskaplege universitet | ||
Fuglum var fødd og voks opp i Oslo, der han òg tok utdanninga si. I 1957 tok han doktorgraden på avhandlinga Ole Richter: Ungdom og stortingvirke. Frå 1961 til 1973 var han tilsett ved Historisk institutt ved Universitetet i Oslo. I 1973 fekk han stilling som professor i historie ved Universitetet i Trondheim. Han hadde stillinga til 1993,[1] og budde i Trondheim livet ut.
Fuglum var medredaktør i Historisk tidsskrift frå 1965 til 1971.[1]
Per Fuglum gav ut verk som Ole Richter. Statsministeren (1964) og Norge i støpeskjeen, 1884–1919 (bind 12 i Cappelens Norges historie, 1978) og En skute – en skipper: Gunnar Knudsen som statsminister 1908–10 og 1913–20 (1989). Han var aktiv i fråhaldsrørsla, og skreiv Kampen om alkoholen i Norge 1816–1904 (1972) og jubileumsskriftet til Det norske totalavholdsselskap, 125 år for alles vel, 1984.[1]
Kjelder endre
- ↑ 1,0 1,1 1,2 «Per Fuglum». Store norske leksikon (på norsk). 29. mars 2017.
- Supphellen, Steinar: Nekrolog i Aftenposten, 18. juni 2008.
- Denne artikkelen bygger på «Per Fuglum» frå Wikipedia på bokmål, den 16. september 2019.
Bakgrunnsstoff endre
- Per Fuglums private arkiv finst ved NTNU Universitetsbiblioteket