Pia Borgli
Pia Dian Borgli (fødd 28. april 1959) er ein norsk skodespelar.
| Pia Borgli | |||
| Fødd | 28. april 1959 (65 år) | ||
|---|---|---|---|
| Verka som | skodespelar, filmskodespelar, stemmeskodespelar | ||
Virke
endreBorgli debuterte i 1980 og har i tida etter hovudsakleg vore tilknytt Oslo Nye Teater, der ho vart fast tilsett i 1988. Ho har òg vore tilsett ved Nationaltheatret i Oslo. Borgli har gjort seg merka i ulike roller både innan komedie og drama. I barneteater har ho mellom anna spelt Snøhvit og Ronja Røverdatter og dessutan Klatremus i Dyrene i Hakkebakkeskogen. Ho gjorde eit sterkt inntrykk som incestoffer i stykket Fuglepappa'n og som ein av samvitsfangane i Pål Løkkeberg si fjernsynsteateroppsetjing av Jorge Diaz sitt fengselsdrama Canto Libre i 1989
På film har ho kanskje gjort seg mest notert som opprørsk dotter og pønkar i den norske storfilmen Galskap! frå 1985. Pønkar var ho òg i fjernsynsteateroppsetjinga av Syx i 1988 (skrive av Brynjar Aa) der ho spelte mot Astrid Folstad. Ho medverka òg i filmen Femti-femti frå 1982, som også var debuten hennar som filmskodespelar. Ho har tillegg hatt roller i ei rekkje andre norske filmar, mellom dei, Tomme Tønner i 2011.
Borgli har òg gjort seg merka i Radioteatret, og har gitt stemme til ei rekkje teikneserie og animasjonsfigurar som Gurin i Solan, Ludvig og Gurin med reverompa, Blekkulf, Hugo i Jungeldyret Hugo, Kvitrebekk i Tornerose og mange fleire. Ho har òg lese inn lydbøkene Ronja Røverdatter og Sunaneng av Astrid Lindgren.
På TV har ho blant anna vore å sjå i julekalenderen Amalies jul (1995) som Nissungen, og dessutan ei gjesterolle i komiserien Pila Flyttebyrå frå 1987.
Familie
endreHo er tanta til skodespelaren Vanessa Borgli og syster av Petter J. Borgli.
Filmografi
endre- 1982 Fifty-Fifty .... Eva
- 1985 Galskap! .... Karin, Mariannes datter
- 1995 Hører du ikke hva jeg sier! .... Sara
- 1996 Maja Steinansikt .... Kjersti
- 1998 Solan, Ludvig og Gurin med reverompa (stemme) .... Gurin
- 2010 Tomme Tønner
- 2011 Tomme Tønner ....Fengselsvakt
- 1995 Tornerose (stemme) .... Kvitrebekk
TV-opptredenar
endre- 1987 Pilen flyttebyrå ... Mette
- 1988 Syx Marianne (Fjernsynsteateret)
- 1991 Radio 2-ten med Vazelina Bilopphøggers
- 1991-1998 Sesam Stasjon Blekkulf
- 1994 Brødrene Dal og legenden om Atlant-Is Pikestemme
- 1995 Amalies jul Nissungen (mini-serie)
- 1995 Asylet Beth
- 2002 Jul på Månetoppen Nissungen (mini-serie)
Dataspel
endre- 2001 Josefine i Gulrotparken Sofus (stemme, videospel)
Kjelder
endre- Denne artikkelen bygger på «Pia Borgli» frå Wikipedia på bokmål, den 17. november 2021.
Bakgrunnsstoff
endre- Pia Borgli ved The Internet Movie Database (IMDb)