Picton, Lennox og Nueva
Picton, Lennox og Nueva er tre chilenske øyar som høyrer til øygruppa Eldlandet. Administrativt ligg dei i provinsen Antártica Chilena i Región de Magallanes y de Antártica Chilena. Øyane ligg i Beaglekanalen, langt søraust i øygruppa, aust for Navarino-øya og sør for den argentinske delen av Storøya i Eldlandet. Lennox er den største av øyane, med eit areal på 170 km2. Deretter fylgjer Nueva med 120 km2 og til slutt Picton med 105 km2. Øyane er ikkje busette.
Beagle-konflikten
endreGjennom store delar av 1900-talet førte Chile og Argentina ein konflikt over dei tre strategisk plasserte øyane. Øyane var chilenske ifylgje grenseavtalen frå 1881, men Argentina var svært interesserte i å overta eigarskapen over øyane. Denne konflikten vert kalla Beagle-konflikten og toppa seg i 1960- og 1970-åra, då landa var svært nær krig. Konflikten vart ikkje endeleg løyst før i 1980-åra, då Pave Johannes Paul II kom inn som meklar. Ein fredsavtale mellom landa avslutta Beagle-konflikten i november 1984.
Kjelde
endre- Denne artikkelen bygger på «Lennox, Picton und Nueva» frå Wikipedia på tysk, den 14. juni 2012.