Plantasje

Ein plantasje er ei større landbrukseining der oftast berre éin vekst vert dyrka, og i stor stil. Dette vert også kalla monokultur eller monokultivering. Døme på plantasjeplanter er kaffi, sukker, te, tobakk, bomull, gummipalmar, frukttre osb.

Teplantasje i Malaysia

Som plantasje reknar ein vanlegvis store landbrukseiningar i tropane og subtropane som, i tillegg til å ha spesialisert seg på éin type vekst eller éin type husdyr, utnyttar billeg lokal arbeidskraft. Spesialisert produksjon i stor skala og billeg arbeidskraft bidreg sterkt til at produkt som til dømes bananar og appelsinar er lågprisprodukt i den rike delen av verda.

Plantasjane finst i fyrste rekkje i Latin-Amerika, det sentrale og sørlege Afrika og Søraust-Asia.

Kjelder

• «Plantasje» på Wikipedia på bokmål og riksmål, innhenta 28. april 2010.
• «Plantasje» hjå Store norske leksikon, innhenta 28. april 2010 (lisensiert under CC-BY-SA).
  Denne landbruksartikkelen er ei spire. Du kan hjelpe Nynorsk Wikipedia gjennom å utvide han.