Port Blair

Port Blair er hovudstaden i det indiske forbundsterritoriet Andamanane og Nikobarane. Byen ligg på øya South Andaman, og har rundt 112 100 innbyggjarar.

Port Blair
Sentrum av Port Blair desember 2004. Biletet er teke berre nokre dagar før Jordskjelvet i Indiahavet 2004.
Land	India
Region	Andamanane og Nikobarane
Distrikt	Andaman
Folketal	100 186
Tidssone	UTC+5:30
Port Blair 11°40′0″ N 92°45′0″ E
Wikimedia Commons: Port Blair

Historie

Britane byrja interessera seg for Andamanøyane i 1788. Det var då lord Cornwallis, dåverande generalguvernør for India, gav løytnant Archibald Blair og løytnant R.H. Colebrook frå den britiske marinen i oppdrag å kartleggja øyane og rapportera tilbake. Rapporten deira råda til kolonisering. Allereie året etter grunnla løytnant Blair det første britiske støttepunktet, som vart kalla Port Cornwallis. Seinare vart namnet endra til Port Blair.

Chatham Island utanfor Port Blair

Samferdsle

Det går ferjar mellom Port Blair og Kolkata, Chennai og Vishakhapatnam og til øyane rundt. Flyplassen i byen er Vire Savarkar lufthamn, med daglege avgangar til det indiske fastlandet.

Kjelder

• Denne artikkelen bygger på «Port Blair» frå Wikipedia på bokmål, den 13. februar 2015.