Messina-provinsen

Provinsen Messina er ein provins i regionen Sicilia i Italia. Hovudstaden er byen Messina. Han har eit areal på 3 247 km² og totalt 662 450 innbyggjarar i 2005. Det er 108 kommunar i provinsen.

Messina
provins
Land	Italia
Region	Sicilia
Hovudstad	Messina
Postnummer	98000–98100
Retningsnummer	090, 0941, 0942
Bilnummer	ME
Provinsen Messina 38.183333333333°N 15.55°E / 38.183333333333; 15.55
Kart som viser Messina-provinsen. Kart som viser Messina-provinsen.
Wikimedia Commons: Province of Messina

Provinsen omfattar Dei eoliske øyane, som alle er ein del av kommunen Lipari (bortsett frå øya Salina). Området er stort sett fjellkledd bortsett frå elveslettene ved munningen til dei forskjellige elvane. Den største sletta ligg i området mellom Milazzo og Barcellona Pozzo di Gotto, som i lag med Messina dannar eit storbyområde med om lag 500 000 innbyggjarar, eit av dei største i Sør-Italia. Mykje av innbyggjarane bur langs kysten etter at åsbyane stort sett vart forlatne på 1800-talet.

Den største fjellryggane er Peloritani (opp til 1300 m) og Nebrodi (opp til 1900 m) , som begge er ein del av eit regionalt naturreservat.

Av elvar i provinsen finn ein Alcantara og Pollina, som dannar grense mot provinsen Palermo i vest.

Dei største kommunane er:

Kommune	Innbyggjarar
Messina	246 951
Barcellona Pozzo di Gotto	41 157
Milazzo	32 600
Patti	13 241
Sant'Agata di Militello	13 026
Capo d'Orlando	12 928
Taormina	10 909
Lipari	10 782

Kjelder

• Denne artikkelen bygger på «Province of Messina» frå Wikipedia på engelsk, den 15. desember 2007.

Bakgrunnsstoff

Commons har multimedium som gjeld: Messina-provinsen

• Offisiell nettstad