Regine

Regina og Regine er kvinnenamn av seinlatinsk opphav. Det tyder 'dronning', og svarer til kongenemninga Rex.

Dronning Agnes av Ungarn omtalt som Domina Agnes Regina.

Regine Olsen var den store kjærleiken til Søren Kierkegaard.

Regine har norsk namnedag den 7. september. Regina har dansk namnedag 5. september, svensk, polsk og tsjekkisk namnedag 7. september og endå ein polsk namnedag den 21. november. Heilage Regina er ein katolsk helgen som levde på 200-talet. Festdagen hennar er den 7. september.

Regine er ei tysk og nordisk form av namnet. Régine er ei fransk form. Avleidde namn er Raina, Regan, Reggi, Reginette, Reginia, Reina, Reinette, Rejine, Reyna, Rina, Riona og Rionagh.

Bruk

Regina har vore brukt om Jomfru Maria og om ulike europeiske dronningar. I tider då Storbritannia har ei regjerande dronning er nemninga på krona, til dømes i rettssaker, regina.

Namneberarar

• Regine Normann (1867–1939), norsk forfattar
• Régine Crespin (1927–2007), fransk operasopran
• Regine Hamsun (f. 1962), norsk kunsntar
• Regina Belle (f. 1963), amerikansk songar
• Regina Lund (f. 1967), svensk songar og skodespelar
• Regine Velasquez (f. 1970), fillippinsk songar og skodespelar
• Regine Nehy (f. 1988), amerikansk skodespelar
• Regina Spektor (f. 1980), russisk-amerikansk musikar

Annan bruk

Regina kan ha fleire tydingar:

• Det er namnet på delstatshovudstaden i Saskatchewan i Canada.
• Régina er namnet på ein stor kommune i Fransk Guiana
• Slekta Regina, ei ormeslekt