Regresjon i geologi
Regresjon syner i geologi til tilbaketrekking av havet frå landområde. Tilbaketrekkinga kjem av landheving eller havnivåsenking, som under istider. Det motsette vert kalla transgresjon
Ein finn spor etter regresjonar og transgresjonar i fossila, og desse svingingane trur ein har skapt (eller medverka til) fleire masseutryddingar, mellom anna perm-trias-hendinga for 250 millionar år sidan og krit-paleogen-hendinga for 66 millionar år sidan. Under perm-trias-hendinga fall det globale havnivået med 250 meter.[1] Då isen under den siste istida var på sitt mest utstrekte for kring 18 000 år sidan, var det globale havnivået 120 til 130 meter lågare enn i dag.
Ikkje alle regresjonar er knytte til istider, og ein har ikkje ei klår forståing av korleis fleire av dei store regresjonane har skjedd. I følgje ein hypotese kan det kome av at havbotnspreiinga har sakka av, slik at det generelle havnivået fall då midthavsryggane tok opp mindre plass i havet.[2]
Kjelder endre
- Denne artikkelen bygger på «Marine regression» frå Wikipedia på engelsk, den 30. desember 2013.
- Wikipedia på engelsk oppgav desse kjeldene:
- ↑ Courtillot, Vincent. Evolutionary Catastrophes: The Science of Mass Extinction. Cambridge, Cambridge University Press, 1999; p. 89.
- ↑ Courtillot, s. 141.
- Regresjon: geologi. (14. februar 2009). I Store norske leksikon. Henta 1. desember 2013 frå http://snl.no/regresjon%2Fgeologi.