Richard Wilhelm Hermann Bruns

Richard Wilhelm Hermann Bruns (28. juni 1900–20. september 1947) var ein tysk gestapooffiser som verka i Noreg under andre verdskrigen. Bruns blei dømd for krigsbrotsverk og avretta på Akershus festning.

Richard Wilhelm Hermann Bruns
Statsborgarskap	Tyskland
Fødd	28. juni 1900 Hannover
Død	20. september 1947 (47 år) Oslo
Språk	tysk

Bruns var fødd i Hannover. Han vart tilsett i tysk politi i 1920. Til Noreg kom han i oktober 1941, og frå januar 1942 arbeidde han i Gestapo i Oslo. Bruns var SS-Untersturmführer og Kriminalobersekretär.

Han vart dømd til døden 20. mars 1946 for grov tortur mot 11 nordmenn. Han vart frikjent for drap på to nordmenn fordi retten fann at dei var skotne under forsøk på rømming og at det er tillatt å skyte ein fange under slike tilhøve. Dommen var stadfesta i Høgsterett 3. juli 1946, og etter at søknad om nåde vart avslegen vart han avretta 20. september 1947.

Sjå og

• Landssvikoppgjeret

Kjelder

• Bergensposten nr. 1 - august 2005. Meldingsbladet til statsarkivet i Bergen.

Bakgrunnsstoff

• Dommen mot Richard Wilhelm Hermann Bruns Arkivert 2005-04-05 ved Wayback Machine.
  Denne historieartikkelen er ei spire. Du kan hjelpe Nynorsk Wikipedia gjennom å utvide han.