Route des Grandes Alpes
Route des Grandes Alpes er ein av dei mest kjente vegane gjennom Alpane til Middelhavet. På sin veg frå Thonon-les-Bains ved Genfersjøen til Menton i Côte d'Azur går den over 17 alpepass, 6 av dei over 2 000 moh. Til desse høyrer Col de l'Iseran, som med 2 770 m er den høgste vegovergangen i Alpane. Ruta er om lag 700 km lang og ein høgdeskilnad på i alt 15 700 m. Tour de France går ofte på delar av denne ruta.
.JPG)
Ei lang rekke militæranlegg frå 1600-talet (Vauban) til 1900-talet (Maginotlinja) er synlege frå rutetraséen, til dømes Ouvrage de la Platte (Fort 2000), Barrière de l'Esseillon, Briançon, Redoute de Berwick, Fort de Tournoux, Petit ouvrage de Fressinea og Ouvrage du Castillon.
Ruta er (til dels sparsamt) skilta og teikna inn på fleire vegkart. Vegen er open frå juni til om lag 15. oktober.
Fjellovergangar
endreRoute des Grandes Alpes går over følgjande pass:
- Col des Gets (1163 m)
- Col de la Colombière (1613 m)
- Col des Aravis (1487 m)
- Col des Saisies (1650 m)
- Cormet de Roselend (1967 m)
- Col de l'Iseran (2770 m)
- Col du Télégraphe (1566 m)
- Col du Galibier (2645 m)
- Col du Lautaret (2058 m)
- Col d'Izoard (2360 m)
- Col de Vars (2109 m)
- Col de la Cayolle (2326 m)
- Col de Valberg (1673 m)
- Col de la Couillole (1678 m)
- Col Saint-Martin (1500 m)
- Col de Turini (1607 m)
- Col de Castillon (706 m)