Sørfjorden i Mistfjorden
fjord i Bodø kommune
Sørfjorden er ein fjordarm av Mistfjorden i Bodø kommune i Nordland. Fjorden strekkjer seg 5,5 km sørover.
Fjorden har innløp i nord mellom Bagneset i vest og Aurneset i aust. Fjorden er omgjeve av bratte og høge fjell og fleire av dei stig bratt opp til over 900 meter over havet. Ånsvikfjellet er det høgaste av desse på austsida med ei høgd på 1005 meter over havet. Det er ingen busetnader ved fjorden.