Seewoosagur Ramgoolam
Sir Seewoosagur Ramgoolam (18. september 1900–15. desember 1985) var ein politikar av indisk ætt frå Mauritius. Ramgoolam var den fyrste statsministeren i landet etter at det vart sjølvstendig frå Storbritannia i 1968, og er kjend som «nasjonens far».
| Seewoosagur Ramgoolam | |
 | |
| Statsborgarskap | Mauritius |
| Fødd | 19. september 1900 Flacq |
| Død |
15. desember 1985 (85 år) |
| Yrke | politikar, velgjerar |
| Språk | tamil |
| Politisk parti | Labour Party |
| Religion | Hinduismen |
| Nettstad | http://ssr.intnet.mu/ |
| Seewoosagur Ramgoolam på Commons | |
Ramgoolam vart fødd i landsbyen Kewal Nagar i delstaten Flacq på Mauritius. Han var statsminister i den britiske kolonien Mauritius frå 1961 til 1968. Mahatma Gandhi var eit stort førebilete for han, og han jobba iherdig for at Mauritius skulle bli uavhengig frå Storbritannia utan valdeleg opprør. Då landet vart sjølvstendig den 12. mars 1968, heldt Ramgoolam fram i stillinga som statsminister, heilt fram til 1982. Anerood Jugnauth tok over som statsminister etter Ramgoolam. Frå 1983 vart Ramgoolam utnemnd til generalguvernør, og beheldt stillinga til han døydde i 1985.
I dag er Ramgoolam ein hylla personlegdom på Mauritius. Han er avbilda på alle myntane til den mauritiske rupien. Den botaniske hagen i tettstaden Pamplemousses, Sir Seewoosagur Ramgoolam Botanical Garden, er oppkalla etter han. Det same gjeld Mauritius sin internasjonale flyplass, Sir Seewoosagur Ramgoolam International Airport.
Kjelder Endra
- Denne artikkelen bygger på «Seewoosagur Ramgoolam» frå Wikipedia på engelsk, den 1. august 2010.