Slektskap mellom fulfulde og andre språk
Slektskap mellom fulfulde og andre språk Fulfulde blir rekna til undergruppa Senegal-språk i den nordlege greina av dei atlantiske språka, som utgjer ei hovudgrein av språkfamilien niger-kongo.
Dei atlantiske språka endre
Sapir (1971)[1] klassifiserer dei atlantiske språka som vist under, og denne klassifikasjonen har blitt ståande:
| Atlantiske språk | |||||||||
|---|---|---|---|---|---|---|---|---|---|
| I. Nordleg grein | A. Senegal-språk | 1. Fulfulde og serer | |||||||
| 2. Wolof | |||||||||
| B. Cangin-språk | Lehar, safen o.a. | ||||||||
| C. Bak-språk | Diola o.a. | ||||||||
| II. Bijago | |||||||||
| III. Sørleg grein | A. Sua | ||||||||
| B. Mel-språk | |||||||||
| C. Limba | |||||||||
Tabellen viser at fulfulde er nærmast skyldt språket serer, som blir snakka i Senegal og Gambia.
Niger-kongospråka endre
Dei atlantiske språka utgjer på eitt eller anna nivå ei grein av niger-kongospråka.
Joseph H. Greenberg endre
Greenberg (1963)[2] kalla niger-kongospråka for niger-kordofansk, som han delte i to hovudgreiner, kordofansk og niger-kongo. Niger-kongo delta han så inn i seks jamstilte undergrupper. Den fyrste av dei kalla han vestatlantisk (West Atlantic), som vi no kallar atlantisk:
| Niger-kordofanske språk | |||||||||
|---|---|---|---|---|---|---|---|---|---|
| I. Kordofansk | |||||||||
| II. Niger-kongo | A. Vestatlantisk | ||||||||
| B. Mande | |||||||||
| C. Kwa | |||||||||
| D. Gur | |||||||||
| E. Benue-kongo | |||||||||
| F. Adamawa-ubangi[3] | |||||||||
Kay Williamson og Roger Blench endre
Williamson og Blench (2000)[4] deler niger-kongospråka i dei same to hovudgreinene som Joseph H. Greenberg, men kallar greinene høvesvis kordofansk og mande-atlantisk-kongo. Den sistnemnde greina deler dei i tre, atlantisk, mande og ịjọ-kongo. Den sistnemnde gruppa svarar til gur, kwa, benue-kongo og adamawa-ubangi hos Greenberg, men inndelinga deira av denne "resten" – som ikkje er relevant å drøfte her – er heilt annleis.
| Niger-kongospråk | |||||||||
|---|---|---|---|---|---|---|---|---|---|
| I. Kordofansk | |||||||||
| II. Mande-atlantisk-kongo | A. Mande | ||||||||
| B. Atlantisk | |||||||||
| C. Ịjọ-kongo | |||||||||
Fotnotar endre
- ↑ Sapir, J. David 1971. West Atlantic. S. 45–112 i Thomas A. Sebeok (ed.): Linguistics in Sub-Saharan Africa. (Current Trends in Linguistics, 7.) The Hague og Paris: Mouton.
- ↑ Greenberg, Joseph H. 1963. The languages of Africa. Bloomington: Indiana University. Research Center in Anthropology, Folklore, and Linguistics. The Hague: Mouton.
- ↑ Greenberg kalla eigentleg denne gruppa for Adamawa-Eastern
- ↑ Williamson, Kay og Roger Blench 2000. Niger-Congo. S. 11–42 i Bernd Heine og Derek Nurse (ed.) 2000. African Languages. An Introduction. Cambridge: Cambridge University Press.